"Arsenal" o'z futbolchisiga narx belgiladi

Londonning “Arsenal” klubi rahbarlari frantsiyalik yosh himoyachi Uilyam Salibani boshqa jamoaga qo'yib yuborishga qaror qilishdi.

Insayder Ekrem Konur xabariga ko'ra, “kanonirlar” 21 yoshli frantsiyalik futbolchini sotishdan kamida 30 million evro ishlab olishni rejalashtirgan. "Milan" va "Atletiko" rahbarlari hozirda "Marsel"da ijara asosida o'ynayotgan Salibaning xizmatlariga qiziqish bildirishmoqda.

Joriy mavsumda Uilyam Saliba “Marsel” tarkibida Frantsiya chempionatida 35 ta o'yin o'tkazib, 5 ta sariq kartochka oldi.