Argentina klubi futbolchisiga Evropaning 9 ta jamoasi qiziqish bildirmoqda

Argentinaning “Rasing” klubi yarim himoyachisi Karlos Alkarasga Evropaning ko'plab klublari qiziqish bildirmoqda, deb xabar bermoqda Marca nashri.

Manba bergan xabarga ko'ra, yosh yarim himoyachi xizmatiga "Arsenal", "Tottenxem", "Vulverxempton", "Atletiko", "Sevilya", "Yuventus", "Inter", "Milan" va PSV klublari qiziqish bildirmoqda.

Alkaras - "Racing" tarbiyalanuvchisi sanaladi. Uning shartnomasi 2026 yilgacha mo'ljallangan.

Joriy mavsumda 19 yoshli argentinalik futbolchi klub safida barcha turnirlar doirasida 17 ta o'yinda maydonga tushib, 5 ta gol urdi va 2 ta golli uzatmani amalga oshirdi.

Uning shartnomasida 24 million evroga sotib olish varianti bor, ammo klub uni 19 millionga qo'yib yuborishga tayyor.Transfermarkt futbolchini 1,5 million evroga baholamoqda.