Rasman! "Yuventus" futbolchisi Turinning boshqa jamoasi a'zosiga aylandi

"Yuventus" yarim himoyachisi Rolando Mandragora "Torino"ga o'tdi, deya xabar bermoqda jurnalist Nikolo Skira.

Manbaga ko'ra, tayanch yarim himoyachisining transferi "buqalar"ga to'qqiz million evroga tushgan. Shartnoma 2027 yilgacha mo'ljallangan.

Mandragora 2016 yilda "Jenoa"dan to'qqiz million evro evaziga "Yuventus"ga ko'chib o'tgan edi. U doimiy ravishda ijara asosida boshqa jamoalar tarkibida o'ynadi va "Yuventus"ning asosiy jamoasida bitta o'yin o'tkazdi.

2021 yilning fevral oyidan buyon futbolchi “Torino”da ijara asosida o'ynab kelmoqda va u erda o'zining o'yini bilan murabbiylar shtabini hayratga sola oldi. 39 uchrashuvda 4 ta gol urdi va 3 ta golli uzatmani amalga oshirdi.