Xavi de Yongning transferiga ruxsat berdi

Frenki de Yong "Barselona"dan "Manchester Yunayted"ga o'tishi oydinlashib qolmoqda.

Cuatro nashri xabariga ko'ra, yarim himoyachi yaqin haftalarda "qizil iblislar" tarkibiga o'tadi. "Barselona" uning uchun 75 million evrodan ko'proq mablag' ishlab oladi. Ushbu bitim shu yilning yozgi transfer oynasining birinchi kunlarida amalga oshiriladi. Kelishuv mavsum yakuniga qadar ham e'lon qilinishi mumkin.

Kelishuv “Barselona”ning direktorlar kengashi va iqtisodiy bo'limi, klub prezidenti Joan Laporta hamda bosh murabbiy Xavi tomonidan ma'qullangan.

42 yoshli mutaxassis bu yozda "Barselona" yarim himoyasini yangilashini istamoqda. De Yong sotilgandan so'ng, murabbiy jamoa tarkibida o'yin uslubi bo'yicha Pedriga o'xshash yangi yarim himoyachilarni ko'rmoqchi. Xaviga u jamoaga etkazmoqchi bo'lgan o'yin uslubini tushunadigan futbolchilar kerak.