"Inter" va "Tottenxem" A seriya klubi futbolchisini nishonga olgan

"Inter" va "Tottenxem" "Fiorentina" yarim himoyachisi Sofyan Amrabatni sotib olmoqchi.

"Shporlar" sport direktori Fabio Paratichi va bosh murabbiyi Antonio Konte 25 yoshli futbolchiga anchadan beri qiziqish bildirishgan va uni qishda qo'lga kiritishga harakat qilishgan edi, biroq kelishuv amalga oshmadi.

Foot Mercato xabariga ko'ra, "Tottenxem" muzokaralarni davom ettirmoqchi, ammo futbolchiga "Inter" ham qiziqmoqda. Futbolchining o'zi ikkala variantni ham ko'rib chiqishga va klubdagi ikki yillik faoliyatidan so'ng "Fiorentina"ni tark etishga tayyorligini aytdi.

Joriy mavsumda Amrabat A seriyada 22 ta o'yin o'tkazib, 1 ta gol urdi.