"PSJ" Di Mariya o'rniga "Ayaks" futbolchisini sotib oladi

Jurnalist Nikolo Skiraning xabar berishicha, "Ayaks" vingeri Antoni "PSJ" nishonga tushgan.

Manba bergan xabarga ko'ra, parijliklar rahbariyati yosh futbolchini yozda erkin agent sifatida jamoani tark etadigan Anxel Di Mariyaga o'rinbosar sifatida ko'rmoqda.

Avvalroq futbolchiga "Barselona" va "Bavariya" klublari qiziqish bildirgandi.

Antoni "Ayaks"da 2020 yildan beri to'p tepadi. Uning shartnomasi 2025 yilgacha mo'ljallangan.

Joriy mavsumda 22 yoshli braziliyalik futbolchi amsterdamliklar safida barcha turnirlar doirasida 33 ta o'yinda maydonga tushib, 12 ta gol va 10 ta golli uzatmani amalga oshirdi. Transfermarkt futbolchini 35 million evroga baholamoqda.