"Barselona" de Yongning transferidan qancha mablag' ishlab olmoqchi ekanligini ma'lum qildi

"Barselona" o'z yarim himoyachisi Frenki de Yongning transferidan qancha mablag' ishlab olmoqchi ekanligini ma'lum qildi.

25 yoshli yarim himoyachiga "Manchester Yunayted" qiziqish bildirmoqda. Bir kun avval ingliz klubi futbolchini 70-80 million evro evaziga sotib olishi haqida ma'lumot paydo bo'lgandi.

Biroq, Diario Sport nashri xabariga ko'ra, "ko'k-anorranglilar" rahbariyati niderlandiyalik futbolchining transferidan 100 million evro atrofida mablag' ishlab olishni rejalashtirmoqda.

"Barselona" De Yongni sotish niyatida emas. Futbolchining o'zi ham ketadigan kayfiyatda emas.

Biroq, Kataloniya klubi rahbariyati de Yongning transferi moliyaviy qiyinchiliklarga duch kelayotgan klubga yordam berishi mumkinligini aytishmoqda.