"Barselona" "Chelsi" futbolchisiga taklif yubordi

"Barselona" "Chelsi" futbolchisi Sezar Aspilikuetani o'z safiga qo'shib olish uchun jiddiy bel bog'lagan.

Goal.com portalining xabar berishicha, "ko'k-anorranglilar" allaqachon "ko'klar" bilan shartnomasi tugashiga bir yil qolgan 32 yoshli ispaniyalik futbolchiga taklif bilan chiqishgan. Kataloniyaliklar Aspilikueta bilan yillik maoshi 13 million evro bo'lgan ikki yillik mehnat shartnomasini imzolashga tayyor.

Eslatib o'tamiz, ispaniyalik futbolchi londonliklar safida 2012 yildan buyon o'ynab kelmoqda. Sezar «Chelsi» bilan birgalikda ikki marta Premer-liga chempioni bo'ldi va Chempionlar ligasida g'olib chiqdi.