"Yuventus" "Bavariya" futbolchisi uchun kurashga qo'shilmoqchi

"Yuventus" "Bavariya" yarim himoyachisi Serj Gnabri uchun kurashmoqchi. Futbolchiga "Real" va "Arsenal" ham da'vogarlik qilmoqda.

Gnabri 5 yil oldin "Bavariya"ga kelib qo'shilgan va o'zini Evropaning eng yaxshi hujumkor yarim himoyachilaridan biri sifatida ko'rsata oldi.

Futbolchining shartnomasi kelasi yili tugaydi va “Bavariya” hali futbolchi bilan shartnomani uzaytirish borasida kelisha olmadi.

Yozda "Yuventus"ni Paolo Dibala tark etadi, Turin klubining yarim himoyachisi Xuan Kuadrado esa faoliyatini yakunlash arafasida. Shu sababli, "Yuventus" "Bavariya" yarim himoyachisiga e'tibor qaratdi.

Joriy mavsumda Gnabri Bundesligada 33 ta o'yin o'tkazib, 14 ta gol urdi va 5 ta golga assistentlik qildi.