"Aston Villa" Koutinoni sotib oldi
/ Kiritdi: BestMaster Ko'rilgan: 125
"Barselona" vingeri Filippe Koutino "Aston Villa"da qoladi.
Jurnalist Nikolo Skiraning xabariga ko'ra, "Aston Villa" braziliyalik futbolchini "ko'k-anorranglilar"dan xarid qildi va 2026 yilga qadar shartnoma imzoladi. Transfer narxi hozircha noma'lum.
Koutino "Kamp Nou"ga 2018 yilning qishida "Liverpul"dan 135 mln evro evaziga ko'chib o'tgandi. U bir yil davomida "Bavariya"da ijara asosida o'ynadi, ammo nemis grandi uni xarid qilishni xohlamadi. Filippe Kataloniya klubi tarkibida jami 106ta o'yinda maydonga tushib, 25ta gol va 14ta assist qayd etdi.
Braziliyalik ushbu yilning yanvarida "Aston Villa"ga ijara asosida o'tgan edi. 29 yoshli o'yinchi joriy mavsum APL doirasidagi 16ta o'yinda maydonga tushib, 4ta gol va 3ta assist qayd etdi. Transfermarkt uni 20 mln evroga baholamoqda.
Bosh sahifaga
341