Rasman! "Borussiya" yangi hujumchi bilan shartnoma imzoladi!

Hujumchi Karim Adeyemi rasman Dortmundning “Borussiya” klubiga o'tdi.

Bugun nemis tibbiy ko'rikdan o'tdi, shundan so'ng u "arilar" futbolchisiga aylandi. Futbolchi keyingi mavsum uchun mavsumoldi mashg'ulotlarida jamoaga qo'shiladi.

Transfer summasi 38 million evro + bonuslarni tashkil etdi. Fabritsio Romanoning so'zlariga ko'ra, futbolchi ikki kun avval “Borussiya” bilan 5 yillik shartnoma imzolagan, biroq shartnoma rasman bugun e'lon qilingan.

Eslatib o'tamiz, bugun Dortmundning "Borussiya" klubi ham hujumchi Erling Xolandni "Manchester Siti"ga sotganini rasman e'lon qildi.