Xavining "B" rejasi ham bor

"Barselona" "Sevilya" himoyachisi Jyul Kundeni sotib olmoqchi. Futbolchiga Premer-liganing bir qancha klublari ham qiziqish bildirmoqda.

Yozgi mavsum oralig'ida Kataloniya klubi himoya chizig'ini sezilarli darajada yangilamoqchi. Kleman Langle va Samuel Umtiti jamoani tark etishi mumkin.

Shuningdek, Andreas Kristensen ham "Chelsi"dan kataloniyaliklar safiga o'tadi. Agar bu amalga oshmasa, "ko'k-anorranglilar" boshqa xaridlarni amalga oshiradi.

Diario AS xabariga ko'ra, "Barselona"ning yana bir maqsadi Kunde hisoblanadi. "Barsa" bosh murabbiyi Xavi himoyachiga jiddiy qiziqish bildirmoqda. Futbolchi mavsum oxirida "Sevilya"ni tark etishi kutilmoqda va Kataloniya klubi sharafini himoya qilish istagini bildirgan. Biroq klubga futbolchining narxi to'siq bo'lishi mumkin. "Sevilya" uni 90 million evroga baholamoqda.

Joriy mavsumda futbolchi La Ligada 29 ta o'yinda maydonga tushib, 2 ta gol va 1 ta golli uzatmani amalga oshirdi.