Ingliz klubi Koutino uchun 40 million evro taklif qildi

"Nyukasl Yunayted" "Barselona" yarim himoyachisi Filippe Koutino uchun kurashga qo'shildi. Futbolchi ayni damda "Aston Villa"da ijara asosida o'ynamoqda.

Koutinoning Kataloniya klubi bilan amaldagi shartnomasi tugashiga hali bir yil bor, biroq u keyingi mavsumda "Barselona"da qolmasligini allaqachon ma'lum qilgan.

Futbolchiga hozirda ijara asosida to'p tepayotgan "Aston Villa" klubi ham qiziqish bildirmoqda. Klub allaqachon kataloniyaliklardan futbolchining narxini tushirishni so'ragan.

Biroq, GOAL xabariga ko'ra, "Nyukasl" vaziyatga aralashdi. "Qarg'alar" "Barselona"ga futbolchi uchun 40 million evro to'lab, futbolchini o'z safiga qo'shib olmoqchi.

Ma'ulmot o'rnida, Koutino joriy mavsumda APLda 15 ta o'yinda maydonga tushib, 4 ta gol va 3 ta golga assistentlik qildi.