"Barselona" Buskets o'rniga 3 ta nomzod topib qo'ydi

"Barselona" klubi yarim himoyachi Serxio Busketsga o'rinbosar qidirmoqda, deb xabar beradi Diario Sport.

Manba bergan xabarga ko'ra, "Barselona" murabbiylar shtabi kelasi mavsumda sovrinlar uchun kurashish uchun yozgi transfer oynasida faollikni oshirish kerak deb hisoblamoqda va ular klubning har bir pozitsiyada ikkita raqobatchi o'yinchi bo'lishini istamoqda.

Qayd etilishicha, Kataloniya klubi murabbiylarining fikricha, kuchaytirilishi kerak bo'lgan pozitsiyalardan biri bu markaziy yarim himoyachi pozitsiyasidir. Hozir bu pozitsiyada 34 yoshli Buskets o'ynaydi.

Qayd etilishicha, Xavi va kataloniyaliklar rahbariyati bir necha oy davomida ushbu pozitsiyani mustahkamlashni muhokama qilgan va uchta nomzoddan iborat ro'yxatni tayyorlagan. Uning tarkibida “Real Sosedad” futbolchisi Martin Subimendi, “Monako” etakchisi Orelen Tchuameni va “Vulverxemton”ning portugaliyalik futbolchisi Ruben Nevesh bor.

Ma'lum bo'lishicha, Subimendi murabbiylar shtabi tomonidan Busketsga o'xshash futbolchi deb hisoblanmoqda. Klub uchun asosiy muammo 23 yoshli ispaniyalikning "Sosedad" bilan shartnomasi 2025 yilgacha amal qilishi va shartnomada 60 million evro tovon puli bor.

Tchuameni uchun raqobat juda yuqori. 22 yoshli frantsuz yozda “Monako”ni tark etishga qaror qildi. Bunga "Real Madrid", "PSJ" va Angliya Premer-ligasi klublari da'vo qilmoqda.

Neveshga kelsak, u ham yozda “Vulverxempton”ni tark etishga qaror qildi. Kataloniyaliklar 25 yoshli portugaliyalik futbolchiga ham qiziqish bildirmoqda, klub prezidenti Joan Laporta esa uning agenti Xorje Mendesh bilan ehtimoliy transferini muhokama qilgan. Shu bilan birga, Mendeshning "Vulverxempton" bilan yaxshi munosabati ehtimoliy transferni osonlashtirishi mumkin.