"Manchester Siti" hujumchisining narxini ma'lum qildi

"Manchester Siti" o'z hujumchisi Gabriel Jezusni 60 million evro evaziga qo'yib yuborishga tayyor. Jurnalist Bruno Andradening so'zlariga ko'ra, “shaharliklar” futbolchi uchun 60 million evrodan kam pul taklif qiladigan klublar bilan transfer borasida muzokaralar olib bormoqchi emas.

Avvalroq Per-Emerik Obameyang ketganidan keyin hujumchi qidirayotgan Londonning "Arsenal" klubi futbolchi xizmatiga qiziqish bildirayotgani haqida xabar berilgandi.

Eslatib o'tamiz, Jezusning "Manchester Siti" bilan amaldagi shartnomasi 2023 yilning yoziga qadar tuzilgan. "Arsenal" yana bir yil kutish va braziliyalikni tekinga qo'lga kiritish variantini ko'rib chiqmoqda.