"Manchester Siti" hujumchisini "Arsenal"da kutishmoqda

The Sun nashrining tarqatgan xabariga qaraganda, “Manchester Siti” hujumchisi Gabriel Jezus “Arsenal”ga o'tishi kutilmoqda.

“Shaharliklar” Dortmundning “Borussiya” jamoasidan Erling Xolandni olib kelishmoqda va braziliyalikni jamoada ushlab qolmoqchi emas. “Arsenal” ko'pdan beri 25 yoshli futbolchiga qiziqish bildiradi.

Jezus 2021/22 yilgi mavsum APLda 26 uchrashuvda qatnashib, 8+8 natijaga erishdi. U 2016 yildan beri manchesterliklar sharafini himoya qiladi.