"Real" o'z hujumchisini shu yilning yozida sotib yuborishga qaror qildi

Serbiyalik hujumchi Luka Yovich endi "Real"ga kerak emas. “Qirollik klubi” rahbariyati futbolchini yozgi transfer oynasida sotishga qaror qildi.

Mundo Deportivo xabariga ko'ra, 24 yoshli hujumchi klubini o'zgartirishga tayyor. Yovichni faoliyatini Germaniya chempionatida davom ettirish varianti qiziqtirmoqda, u erda unga Dortmundning «Borussiya» klubi qiziqish bildirmoqda. Madridga o'tishdan oldin Luka Frankfurtning "Ayntraxt" jamoasida muvaffaqiyatli o'ynagandi.

Hujumchi joriy mavsumda La Ligada 13 ta o'yinda maydonga tushib, 1 ta gol va 2 ta golli uzatmani amalga oshirdi. Uning shartnomasi 2025 yilda yakuniga etadi.