"Real" Gnabrining atrofidagi voqealarni kuzatmoqda

Madridning “Real” klubi yozda “Bavariya” yarim himoyachisi Serj Gnabrini o'z safiga qo'shib olishi mumkin. Futbolchi haligacha Yulian Nagelsmann jamoasi bilan 2022/23 yilgi mavsum oxirida tugaydigan shartnomani uzaytirmoqchi emas.

"Bavariya" hali Gnabrining yangi shartnoma bo'yicha moliyaviy talablarini qondirishga tayyor emas. Mundo Deportivo xabariga ko'ra, "Bavariya"ning sobiq futbolchisi David Alaba Gnabrini "Real"ga o'tishga ko'ndirmoqchi.

Eslatib o'tamiz, joriy mavsum Gnabri Germaniya chempionatida "Bavariya" safida 14 ta gol urdi. Yarim himoyachida 5 ta golli uzatma ham bor. Iyul oyida futbolchi 27 yoshga to'ladi.