"Manchester Yunayted" Maguayr o'rniga EChLning eng yaxshi markaziy himoyachilaridan birini sotib olmoqchi

"Vilyarreal" himoyachisi Pau Torres yozda boshqa jamoaga o'tishi mumkin, chunki uning shartnomasi 55-60 million evro atrofida bo'ladi. Fabritsio Romanoning so'zlariga ko'ra, "Manchester Yunayted" ispaniyalikning transferiga da'vogarlardan biri hisoblanadi.

Manbaning qo'shimcha qilishicha, Torres "qizil iblislar"ning yangi bosh murabbiyi Erik ten Xagning markaziy himoyachi pozitsiyasini mustahkamlash uchun to'rtta variantdan biri. "Manchester Yunayted" hozircha aniq takliflar bilan chiqqanicha yo'q.

Torres bilan bog'liq vaziyatni Londonning "Chelsi" klubi ham kuzatib bormoqda, chunki londonliklar yozda kamida ikkita markaziy himoyachisini yo'qotishi mumkin.