Anchelotti Frantsiya terma jamoasi futbolchisini "Real"ga kerak deb hisoblamaydi

Madridning “Real” klubi “Monako” va Frantsiya terma jamoasi yarim himoyachisi Orelen Tchuameni o'z safiga qo'shib olmaydi, deya xabar beradi Marca.

Qayd etilishicha, klub futbolchini sotib olishni bir yilga kechiktirishga qaror qilgan. "Real Madrid" so'nggi bir oy ichida Tchuameni diqqat bilan kuzatib borgan, ammo uning o'yinlaridan qoniqish hosil qilmagan. Shu sabab "qaymoqranglilar" bosh murabbiy Karlo Anchelotti Chempionlar ligasida ajoyib o'yin ko'rsatgan Eduardo Kamavingaga ishonch bildirmoqchi.

Tchuameniga "Liverpul" va "Chelsi" ham qiziqish bildirmoqda. Liga 1ning joriy mavsumida u klubi safida 33 ta o'yin o'tkazib, 3 ta gol va 1 ta golli uzatmani amalga oshirdi.