"Barselona"ning hujumchisidan voz kechishga tayyor

"Barselona" yozda hujumchi Memfis Depay bilan xayrlashmoqchi, deb xabar beradi Sport.es.

Manbaning xabariga ko'ra, Depayning sotuvidan tushgan mablag' yangi futbolchilarni sotib olishga sarflanadi.

Depay o'tgan yozda "Lion"dan "Barselona"ga o'tgan edi. Joriy mavsumda gollandiyalik futbolchi "ko'k-anorranglilar" safida 29 ta o'yinda maydonga tushib, 12 ta gol va 2 ta golga assistentlik qildi.

Hujumchining Kataloniya klubi bilan shartnomasi kelasi yozda yakuniga etadi. Transfermarkt 28 yoshli Depayni 45 million evroga baholamoqda.