"Real" A seriyaning eng yaxshi himoyachilaridan birini xarid qilmoqchi

"Milan" himoyachisi Davide Kalabriya "Real"ning qiziqishlari doirasiga tushdi. Ispaniya chempioni 25 yoshli futbolchini o'z safiga qo'shib olmoqchi.

Kalabriya butun faoliyatini Italiya klubida o'tkazgan va so'nggi yillarda A Seriyaning eng yaxshi o'ng qanot himoyachilaridan biriga aylandi. Madridning “Real” klubi himoya chizig'ini kuchaytira oladigan va o'yinida biroz pasayish kuzatilayotgan Dani Karvaxal o'rnini bosadigan futbolchi qidirmoqda. Shu sabab madridliklar bor e'tiborini "Milan" himoyachisiga qaratdi, deya xabar beradi Fichajes.

Ma'lumot o'rnida, Kalabriya joriy mavsum A Seriyada 24 ta o'yin o'tkazib, 2 ta gol va 3 ta golli uzatmani amalga oshirdi.