"Barselona" Kevin de Bryuyneni qo'lga kiritish borasida o'ylamoqda

"Barselona" "Manchester Siti" yarim himoyachisi Kevin de Bryuyneni o'z safiga qo'shib olmoqchi. 

So'nggi paytlarda gollandiyalik yarim himoyachi Frenki de Yong Angliya Premer-ligasiga o'tishi mumkinligi haqida xabarlar tarqaldi. Ma'lumotlarga ko'ra, Kataloniya klubi rahbariyati munosib taklif tushsa, futbolchini sotib yuborishini ma'lum qilgan.

Shu munosabat bilan "Barselona" uning o'rniga o'rinbosar qidirmoqda. Oldinroq klub Verrattini sotib olishi mumkinligi, ammo "PSJ" futbolchidan voz kechishni istamayotgani aytilgandi. Mundo Deportivo nashri xabariga ko'ra, endi kataloniyaliklar "Manchester Siti" etakchisi De Bryuyneni qo'lga kiritish haqida o'ylamoqda.

Ma'lumot o'rnida, Futbolchi joriy mavsumda APLda 27 ta o'yinda maydonga tushib, 11 ta gol va 7 ta golli uzatmani amalga oshirdi.