"MYu" "Ayaks"ning yana bir futbolchisiga ko'z tikmoqda

"Manchester Yunayted" "Ayaks" yarim himoyachisi Edson Alvaresga qiziqish bildirmoqda. Agar Frenki de Yongning transferi amalga oshmasa, u holda Alvares de Yongga muqobil sifatida ko'riladi.

Erik ten Xag shu yozda “Manchester Yunayted” bosh murabbiyi lavozimini egallaydi. Mutaxassis tarkibni sezilarli darajada yangilashni rejalashtirmoqda. "Qizil iblislar"ning asosiy maqsadlaridan biri "Barselona" yarim himoyachisi Frenki de Yongni sotib olish.

Biroq, agar transfer amalga oshmasa, ingliz klubi e'tiborini "Ayaks" futbolchisi Edson Alvaresga qaratadi, deb xabar bermoqda Fichajes. Futbolchining narxi 30 million evroga baholanmoqda.

Joriy mavsumda futbolchi Niderlandiya chempionatida 29 ta o'yin o'tkazib, 3 ta gol urdi va 1 ta golli uzatmani amalga oshirdi.