"Tottenxem" "Atalanta" futbolchisini nishonga oldi

Italiyaning “Atalanta” klubi o'ng qanot himoyachisi Yoaxim Melega “Tottenxem” klubi qiziqish bildirmoqda.

24 yoshli futbolchi o'tgan yozda Evropa chempionatidagi ishonchli o'yini bilan e'tiborni tortdi, ammo "Atalanta"da qoldi. Daily Mail nashri xabariga ko'ra, "Tottenxem" Meleni yaqinlashib kelayotgan transfer oynasi uchun asosiy maqsad qilib qo'ygan. Hujumkor himoyachi Antonio Kontening London klubidagi o'yin tizimiga to'liq mos keladi deb ishoniladi.

Yoaxim Melening "Atalanta" bilan shartnomasi 2025 yilgacha mo'ljallangan. Joriy mavsumda daniyalik futbolchi barcha turnirlarda 34 ta o'yin o'tkazib, 3 ta gol va 2 ta golli uzatma muallifiga aylangan.