"Betis" ikkita transferni e'lon qilishga tayyorgarlik ko'rmoqda

Jurnalist Fabritsio Romanoning yozishicha, "Betis" tez orada hujumchi va himoyachi bilan shartnoma imzolaganini e'lon qiladi.

Manbaga ko'ra, gap "Fluminense" vingeri Luis Enrike va "Latsio" markaziy himoyachisi Luis Filipe haqida ketmoqda.

Braziliyalik hujumchining transferi haqida shu yilning mart oyida "Fluminense" prezidenti Mario Bittenkurt ma'lum bo'lgandi. Biroq “Betis”ning o'zi bu transferni rasman e'lon qilmagan.

Joriy mavsumda 21 yoshli futbolchi Braziliya terma jamoasi safida barcha turnirlar doirasida 20ta o'yin o'tkazib, bitta gol urdi va beshta golli uzatmani amalga oshirdi. Transfer summasi 12,6 million evroga baholanmoqda.

Felipe 2016 yildan beri “Latsio” safida to'p suradi. Bu vaqt ichida u "burgutlar" safida 143 ta o'yin o'tkazishga muvaffaq bo'ldi, biroq u yakuniga etayotgan shartnomasini yangilamadi va yozda erkin agent sifatida jamoani tark etadi.

Joriy mavsumda 25 yoshli braziliyalik futbolchi "Latsio" klubi safida 39 ta o'yin o'tkazib, bitta golli uzatmani amalga oshirgan.