"Napoli" Osimxenning o'rniga A Seriyadan boshqa hujumchi topdi

"Torino" hujumchisi Andrea Belotti faoliyatini "Napoli"da davom ettirishi mumkin, deb xabar bermoqda Corriere dello Sport.

Manba bergan xabarga ko'ra, neapolliklar Belottini yozda tark etishi mumkin bo'lgan Viktor Osimxenning o'rniga o'rinbosar sifatida ko'rmoqda.

Belotti "Torino"ga 2015 yilda "Palermo"dan 8,4 million evro evaziga o'tgan edi. Bu vaqt ichida u turinliklar safida 248 ta o'yin o'tkazib, 113 ta gol urgan va 28 ta golli uzatmani amalga oshirgan.

28 yoshli italiyalik yozda erkin agentga aylanadi va bu uning transferini osonlashtiradi.