"Arsenal" va "Milan" bir futbolchiga da'vogarlik qilmoqda

"Milan" "Manchester Siti" yarim himoyachisi Raxim Sterlingni o'z safiga qo'shib olmoqchi bo'lgan klublar qatoriga qo'shildi. Calciomercato nashri xabariga ko'ra, "rossonerilar" futbolchini shu yozdayoq sotib olishi mumkin.

Manbaga ko'ra, Sterlingga ayni damda Evropaning bir qator klublari qiziqish bildirmoqda. Londonning "Arsenal" jamoasi ushbu jamoalar orasida favorit hisoblanadi. "Kanonirlar" bosh murabbiyi Mikel Arteta angliyalik futbolchi jamoasini kuchaytira olishiga ishonmoqda.

Eslatib o'tamiz, Raxim Sterling yozda "Manchester Siti"ni tark etishi mumkin. Angliyalik futbolchining “shaharliklar” bilan shartnomasi 2023-yilda tugaydi, shu bois Gvardiola yarim himoyachini yaqin orada sotib, o'rniga boshqa futbolchi xarid qilmoqchi.