"Napoli" "Barselona"ga o'z himoyachisining narxini e'lon qildi

"Barselona" "Napoli"ning senegallik himoyachisi Kalidu Kulibalini o'z safiga qo'shib olish borasida muzokaralar olib bormoqda, deya xabar bermoqda jurnalist Janluka Di Martsioning rasmiy sayti.

Manbaga ko'ra, "Barselona" bosh murabbiyi Xavining shaxsan o'zi futbolchini sotib olishni talab qilmoqda. “Napoli” futbolchini 40 million evroga baholamoqda va uning narxini pasaytirmaydi.

30 yoshli Kulibali joriy mavsumda “Napoli” safida barcha turnirlarda 31 ta o'yinda maydonga tushib, 3 ta gol urdi va 2 ta golli uzatmani amalga oshirdi.