"PSJ" bu transferni rasmiylashtirishga yaqin

Chap qanot himoyachisi Nunu Mendesh "Sporting Lissabon"dan to'liq transfer evaziga "PSJ"ga o'tishga yaqin turibdi. Eslatib o'tamiz, joriy mavsumda Portugaliya terma jamoasi futbolchisi parijliklar safida ijara asosida o'ynadi.

Insayder Adrien Grenening xabariga ko'ra, frantsuz klubi Mendeshni to'liq sotib olish uchun Lissabonning "Sporting" jamoasiga 40 million evro to'laydi. Futbolchi bilan tuzilgan shartnoma 2026 yilgacha amal qiladi.

Eslatib o'tamiz, avvalroq "PSJ" "Sporting"ga so'ralgan xarid summasini kamaytirish so'rovi bilan murojaat qilgan, biroq Lissabon klubi 40 million evro talab qilgandi.