"Arsenal" Dembelening vakillari bilan muzokara olib bordi

"Arsenal" "Barselona" futbolchisi Usmon Dembelening agentlari bilan muzokara o'tkazdi. Futbolchi haligacha Kataloniya klubi bilan shartnomani uzaytirmagan.

Usmon Dembelening kelajagi hali ham noma'lum. Futbolchining "Barselona" bilan shartnomasi shu yil yakuniga etadi va tomonlar haligacha shartnomani uzaytirish borasida o'zaro kelishuvga erisha olishmagan.

Avvalroq, futbolchi bilan «PSJ» va «Manchester Yunayted» vakillari bog'langani haqida ma'lumotlar paydo bo'lgandi. Futbolchi bilan "Arsenal" ham muzokaralar olib bordi, deb xabar bermoqda Football.london. Olib borilgan muzokaralarning natijasi haqida hozircha ma'lumot yo'q.

Dembele joriy mavsumda La Ligada 18 ta o'yinda maydonga tushib, 1 ta gol urdi va 11 ta golli uzatmani amalga oshirdi.