"Manchester Yunayted" Evropa Ligasining finaliga yo'l olgan himoyachi uchun qiziqish bildirishni boshladi

"Manchester Yunayted" Frankfurtning "Ayntraxt" klubi himoyachisi Evan N’Dik uchun kurashga qo'shildi. Futbolchiga "Nyukasl" ham qiziqmoqda.

N’Dik Bundesliganing eng yaxshi yosh markaziy himoyachilaridan biri sanaladi. Biroq uning amaldagi shartnomasi kelasi mavsum oxirida tugaydi va nemis klubi futbolchini sotish variantlarini muhokama qilishga tayyor.

"Manchester Yunayted" o'z navbatida yozgi mavsumda tarkibni kuchaytirishni rejalashtirmoqda va N’Dikni himoya markazida raqobatlasha oladigan futbolchi sifatida ko'rmoqda.

Himoyachi joriy mavsumda Bundesligada 30 ta o'yinda maydonga tushib, 4 ta gol urdi va 3 ta golga assistentlik qildi.