Lukaku «Real»ga o'tishni orzu qilmoqda

«Chelsi» hujumchisi Romelu Lukaku yozda «Real» safiga o'tishi mumkin.

"Defensa Central" tarqatgan xabarga ko'ra, ushbu transferga har uchala tomon qiziqish bildirmoqda. «Chelsi» 28 yoshli futbolchini sotishga tayyor. Chunki belgiyalik futbolchi "ko'klar"ning asosiy tarkibidan muqim o'rin ololmadi.

«Real» esa Erling Xolandning transferidan umid uzgach, yangi markaziy hujumchi qidirmoqda. Lukakuning o'zi anchadan buyon «Santyago Bernabeu»da o'ynashni orzu qiladi.

Lukaku joriy mavsumda barcha musobaqalar doirasida 40ta o'yinda ishtirok etib, 12 gol va 2 assist muallifiga aylandi. «Chelsi» 2021 yilning avgust oyida Romeluni «Inter»dan 113 million evroga xarid qilgandi.