"Arsenal" Oliseni qanchaga sotib olishi ma'lum bo'ldi

"Kristal Pelas" yozda yarim himoyachi Maykl Oliseni qaysi narx evaziga qo'yib yuborishi mumkinligi ma'lum bo'ldi. The Times gazetasi jurnalisti Garri Jeykobsning fikricha, futbolchining transferi potentsial xaridorlarga 40 million evroga tushadi. Gap shundaki, bu summa futbolchining shartnomasida tovon puli sifatida ko'rsatilgan.

Qayd etilishicha, Olisening ushbu yozda transferi uchun asosiy davogarlardan biri Londonning “Arsenal” klubi bo'ladi. "To'pchilar" ustozi Mikel Arteta yarim himoyachining iqtidorini yuqori baholaydi.

20 yoshli yarim himoyachi joriy mavsumda ligada ikkita gol va beshta golli uzatmani amalga oshirdi.