"Manchester Siti" futbolchisiga 3 ta klubdan taklif bor

"Manchester Siti" yarim himoyachisi Fernandinoni qo'lga kiritish uchun uchta klub kurash olib bormoqda.

37 yoshli braziliyalik futbolchi mavsum oxirida "Manchester Siti"ni tekinga tark etadi, chunki u "shaharliklar" bilan shartnomasini uzaytirmaslikka qaror qilgan.

Braziliyaga qaytishga tayyorligini bildirgan himoyachi allaqachon uchta klubdan taklif olgan, deya xabar beradi jurnalist Nikolo Skira. Futbolchiga da'vogarlardan biri ma'lum - "Atletiko Paranaense" bo'lib, Fernandino faoliyatining boshida ushbu klub sharafini himoya qilgan. Braziliya klubi o'z akademiyasi tarbiyalanuvchisiga ikki yillik shartnoma taklif qildi.

Fernandino joriy mavsum “Manchester Siti” safida barcha turnirlar doirasida 29 ta o'yinda maydonga tushib, 2 ta gol va 2 ta golli uzatmaga mualliflik qilgan.