Xavi tajribali futbolchini "Barselona"ga olib kelmoqchi

"Barselona" "Napoli" himoyachisi Kalidu Kulibalini sotib olmoqchi, deya xabar beradi AS.

Kataloniyaliklar bosh murabbiyi Xavi 30 yoshli himoyachini asosiy transfer maqsadi deb hisoblamoqda. Manbaga ko'ra, "Napoli" Kulibali uchun taxminan 40 million evro so'rashi mumkin.

Senegallik futbolchi joriy mavsum neapolliklar safida 31 ta o'yinda maydonga tushib, 3 ta gol va 2 ta golli uzatmani amalga oshirdi.

Kulibalining “Napoli” bilan shartnomasi 2023-yilning iyunida yakuniga etadi. Portal Transfermarkt himoyachini 45 million evroga baholamoqda.

Oldinroq klub rahbariyati futbolchiga shartnomani 2025 yilgacha uzaytirishni taklif qilmoqchi ekani xabar qilingandi.