«Real» Lukakuni sotib olmoqchi

Madridning «Real» klubi «Chelsi» hujumchisi Romelu Lukakuga qiziqish bildirmoqda. Hujumchi yozda ingliz klubini tark etishi mumkin.

Oldinroq Madrid klubining asosiy transfer maqsadi Dortmundning «Borussiya» klubi futbolchisi Erling Xoland va «PSJ» etakchisi Kilian Mbappe ekanligi haqida ma'lumotlar paydo bo'lgandi. Mbappe bilan hammasi yaxshi, biroq norvegiyalik futbolchi bilan  muzokaralar to'xtab qoldi va Madridning «Real» klubi endi «ko'klar» hujumchisi Lukakuni o'z safiga qo'shib olmoqchi, deya xabar beradi Defensa Central.

«Chelsi» bosh murabbiyi Tomas Tuxel Lukakuni asosiy tarkibda kam o'ynatmoqda. Ehtimol, inglizlar futbolchini sotishga qarshi bo'lmaydi. Biroq uning transfer narxi kamida 80 million evroni tashkil qiladi.

Lukaku joriy mavsumda APLda 23 ta o'yinda maydonga tushib, 5 ta gol urdi.