"Bavariya"ga futbolchisiga asosiy da'vogar klublar nomi ma'lum bo'ldi

Transfer bozori mutaxassisi Janluka Di Martsio «Arsenal» va «Tottenxem»ni «Bavariya» yarim himoyachisi Serj Gnabriga asosiy da'vogarlar deb atadi. Shu bilan birga, Di Martsio «Real»ni futbolchi uchun kurashdan chetda qoldirdi.

Gnabrining Myunxen klubi bilan shartnomasi kelasi yil yozida tugaydi va tomonlar shartnomani uzaytirish borasida haligacha kelishib olishmagan. Di Martsioning ta'kidlashicha, yozda futbolchi uchun «Arsenal» va «Tottenxem» kurash olib borishi kutilmoqda.

Uning qo'shimcha qilishicha, «Real» katta ehtimol bilan Antonio Ryudiger va Kilian Mbappening transferlariga e'tibor qaratadi.

Gnabri joriy mavsumda Bundesligada 32 ta o'yinda maydonga tushib, 13 ta gol urdi va 5 ta golga assistentlik qildi.