«Manchester Yunayted» va «Arsenal» bir futbolchiga «radar» qo'ygan

«Manchester Yunayted» va «Arsenal» Dortmundning «Borussiya» klubi himoyachisi Manuel Akanji uchun kurash olib boradi. Futbolchi yozgi transfer oynasida Dortmundni tark etishi mumkin.

«Borussiya» klubi yaqinda «Frayburg»dan markaziy himoyachi Niko Shlotterbekni 20 million evro evaziga sotib oldi. Shuningdek, yozda Dortmund klubiga «Bavariya» himoyachisi Niklas Zyule ham o'tadi. Shu munosabat bilan shartnomasi 2023 yilgacha mo'ljallangan Akanji transfer qilinishi mumkin. Sport Bild xabariga ko'ra, futbolchiga «Arsenal» va «Manchester Yunayted» qiziqish bildirmoqda.

Joriy mavsumda futbolchi Bundesligada 24 ta o'yin o'tkazib, 1 ta gol urgan.