«Tottenxem» Chexiya terma jamoasi a'zosiga xaridor

«Tottenxem» klubi «Vest Xem» yarim himoyachisi Tomas Souchekni o'z safiga qo'shib olmoqchi. Qayd etilishicha, «shporlar» bosh murabbiyi Antonio Kontega Chexiya terma jamoasi futbolchisining o'yinlari yoqadi. Futbolchiga «Yuventus» ham qiziqmoqda.

Oldinroq «Vest Xem» futbolchiga 48 million evro narx belgilagani xabar qilingandi. Souchek o'z klubiga Evropa Ligasi yarim finaliga chiqishga yordam berdi. Bundan tashqari, «Vest Xem» Premer-ligada evrokuboklar zonasiga chiqish uchun kurashni davom ettirmoqda.

Souchek joriy mavsumda APLda 33 ta o'yinda maydonga tushib, 5 ta gol va 1 ta golli uzatmani amalga oshirdi.