«Chelsi»ning ikki futbolchisi «Barsa»ga o'tishni istamoqda

«Chelsi» himoyachilari Markos Alonso va Sesar Aspilikueta «Barselona»ga o'tishni istashmoqda. Avvalroq, Kataloniya klubi har ikki futbolchining transferiga qiziqish bildirayotgani haqida xabarlar tarqalgan edi.

Futbolchilar «Chelsi» rahbariyati yozgi transfer oynasida ispan klubi safiga o'tishiga xalaqit bermasligiga umid qilmoqda, deb xabar beradi Mundo Deportivo. O'z navbatida, «Barselona» ham himoya chizig'ini kuchaytirish uchun futbolchi qidirmoqda.

London klubining moliyaviy ahvolini inobatga olsak, futbolchilar Kataloniya klubiga o'tishiga hech kim to'sqinlik qilmasa kerak.