"Real" Ris Jeyms transferiga bir futbolchisini ham qo'shmoqchi

"Chelsi" himoyachisi Ris Jeyms "Real"ning yozgi transfer oynasi vaqtidagi asosiy maqsadiga aylandi. Bu haqda Todofichajes xabar bermoqda.

Madrid klubi Dani Karvaxalga munosib raqobatchi sotib olishni istaydi. "Qaymoqranglilar" bir qancha nomzodlarni ko'rib chiqdi, biroq 22 yoshli inglizni ularga ma'qul kelgan.

Manbaga ko'ra, "Real Madrid" Jeyms transferiga hujumkor yarim himoyachi Eden Azarni ham qo'shmoqchi.

2021/22 yilgi mavsumda Ris Jeyms “Chelsi” safida barcha musobaqalarda 34 ta o'yinda maydonga tushib, 6 ta gol va 7 ta golli uzatmani amalga oshirdi. Uning "ko'klar" bilan shartnomasi 2025 yilning yoziga qadar mo'ljallangan.