«Atletiko» «Sporting»ning ikki ijaradagi futbolchisini xarid qilmoqchi

Madridning «Atletiko» klubi Lissabonning «Sporting» futbolchilari Pablo Sarabiya va Pedro Porroga qiziqish bildirmoqda. Bu haqda Mundo Deportivo xabar bermoqda.

Pablo Sarabiya «Sporting»da «PSJ»dan ijara asosida o'ynaydi. Joriy mavsumda 29 yoshli yarim himoyachi Portugaliya jamoasi safida milliy chempionatda 26ta o'yin o'tkazib, 11ta gol va 7ta golli uzatmani amalga oshirdi. Barcha turnirlarda ispaniyalik futbolchi «Sporting» safida 44 ta uchrashuv o'tkazib, 18 ta gol urgan. 

Himoyachi Pedro Porro «Sporting»da «Manchester Siti»dan ijara asosida o'ynaydi. 22 yoshli futbolchi ham mavsumni yaxshi o'tkazmoqda va manbaga ko'ra, Portugaliya klubi himoyachini sotib olish imkoniyatiga ega.