«Real» Ronalduni ortga qaytarmoqchi

«Manchester Yunayted» hujumchisi Krishtianu Ronaldu «Real»ga qaytishi mumkin, deb xabar beradi Mirror.

Manbaning xabariga ko'ra, Ronalduning qaytishiga «Real» klubining o'zi qiziqish bildirmoqda. Oldinroq portugaliyalik ham Madrid klubiga qaytishga qarshi emasligi haqida xabar berilgandi.

Ronaldu 2021 yil avgustidan beri «Manchester Yunayted» safini himoya qilib kelmoqda. Uning klub bilan shartnomasi 2023 yilgacha mo'ljallangan. Shuningdek, uning shartnomasida yana bir mavsumga uzaytirish imkoniyati bor.

Portugaliyalik futbolchi joriy mavsumda APLning 28ta o'yinida maydonga tushib, 17ta gol urdi va 3ta golga assistentlik qildi.

Ronaldu 2009 yildan 2018 yilgacha «Real»da o'ynagan. U «qaymoqranglilar» bilan 15 ta sovrinni qo'lga kiritdi. Shuningdek, «qirollik klubi» tarkibida portugaliyalik to'rtta «Oltin to'p»ni qo'lga kiritishdi.