"Flamengo" Vidalga ikki yillik shartnoma tayyorlab qo'ydi

Braziliyaning "Flamengo" klubi "Inter" yarim himoyachisi Arturo Vidalga shartnoma taklif qilishga tayyor.

Oldinroq "Inter" klubi futbolchidan qutulishga, hattoki kompensatsiya ham to'lashga tayyorligi haqida ma'lumotlar paydo bo'lgandi. O'z navbatida Vidal ham faoliyatini Janubiy Amerikada yakunlash niyatida ekanini aytdi.

Chili matbuotining xabar berishicha, "Flamengo" yarim himoyachiga mavsum uchun 4,7 million evro maosh taklif qilishga tayyor. Shartnoma ikki yilga mo'ljallangan bo'lsa, yana bir mavsumga uzaytirilishi mumkin.

Shuningdek, futbolchiga "Kolo-Kolo" klubi ham qiziqmoqda.

Joriy mavsumda futbolchi A Seriyada 25 ta o'yin o'tkazib, 1 ta gol urdi va 1 ta golli uzatmani amalga oshirdi.