"Arsenal" Reshford uchun 50 million sarflashga tayyor

«Arsenal» «Manchester Yunayted» hujumchisi Markus Reshford uchun 50 million evro sarflashga tayyor.

Football Insider xabariga ko'ra, 24 yoshli futbolchi "kanonirlar" bosh murabbiyi Mikel Artetaning transfer maqsadlari ro'yxatida birinchi o'rinda turadi.

Qayd etilishicha, klub futbolchini sotib olish uchun o'z byudjetidan 50 million evroga yaqin mablag' ajratgan.

Oldinroq, kelasi mavsumda "qizil iblislar"ni niderlandiyalik mutaxassis Erik ten Xag boshqarib borishi va hujumchi yangi bosh murabbiyning rejalariga kiritilmasligi ehtimoli yuqoriligi xabar qilingandi.

Reshford bu mavsumda "Manchester Yunayted" tarkibida asosiy tarkibdan muqim joy egallay olmadi.

U APLda 25 ta o'yinda maydonga tushib, 4 ta gol urdi va 2 ta golli uzatmani amalga oshirdi.