Ryudigerning transferi «Real»ga qanchaga tushishi ma'lum bo'ldi

"Chelsi" himoyachisi Antonio Ryudigerning transferi «Real» uchun qanchaga tushishi ma'lum bo'ldi.

"Marca" tarqatgan xabarga ko'ra, madridliklar 29 yoshli futbolchi bilan 4 yillik shartnoma imzolashadi. Germaniyalik futbolchining yillik maoshi 9 million evroga teng bo'ladi.

Bundan tashqari, Ryudigerga 8 million evro miqdorida mukofot puli belgilanadi va bu summa 4 yil davomida har yili 2 million evrodan to'lab boriladi.

Shu tariqa, Antonio "Real"dagi faoliyati davomida 44 million evro ishlab topadi. Bu esa futbolchi talab qilgan summadan 11 million evroga kamroq hisoblanadi.

Bundan tashqari, futbolchi erkin agent sifatida "Real" safiga o'tayotgani "Qirollik klubi" uning agentiga 15 mln evro haq to'laydi. Natijada Ryudigerning transferi madridliklar uchun 59 million evroga tushadi.