Yangi mish-mish tarqadi: Dibala "Barselona"ga o'tadimi? (foto)

Argentinalik hujumchi Paulo Dibala yozda «Yuventus»ni tark etadi, ammo u qaerga ketayotgani hozircha ma'lum qilinmagan. Shuning uchun mish-mishlar juda ko'p tarqalmoqda.

Eng so'nggisi argentinalik futbolchini «Barselona»ga o'tishi bo'lib turibdi. Bunday taxminlarga Paulo Dibala va Dani Alvesh o'rtasidagi uchrashuv sabab bo'ldi, bu uchrashuvda ular liboslarini ham almashishdi.

Odatdagidek, uchrashuv mobaynida liboslarni almashtirishgan futbolchilarning rasmlari tezda ijtimoiy tarmoqlar orqali ommaga ko'rsatildi.

Dibala va Alvesh bir necha yil oldin Turinning «Yuventus» klubida birga o'ynashgan, Alvesh uchun bu qisqa sarguzasht edi, Dibala esa Turin klubiga o'z faoliyatining 7 yilini sarfladi.