"Bavariya" o'z futbolchisini "Barselona"ga sotmaydigan bo'ldi

«Bavariya» markaziy himoyachisi Luka Ernandes yaqin orada «Barselona»ga sotilmaydi.

Kataloniya klubi Frantsiya terma jamoasi futbolchisiga qiziqish bildirayotgani haqida bugun Ispaniya matbuoti xabar tarqatdi. Biroq, Germaniyaning SPORT1 nashri xabariga ko'ra, «Bavariya» Ernandesni bu yozda sotish haqida o'ylamayapti. «Bavariya» bosh murabbiyi Yulian Nagelsmann himoyaning chap tomonini ham qoplay oladigan markaziy himoyachini jamoasining muhim qismi deb biladi.

Luka Ernandes joriy mavsumda «Bavariya» safida barcha musobaqalarda 32 ta o'yinda maydonga tushdi. Uning shartnomasi 2024 yilgacha amal qiladi, transfer narxi esa 50 million evroga baholangan.