"Manchester Yunayted" rahbariyati Savich borasida muzokaralarni boshladi

"Manchester Yunayted" yozgi mavsumda "Latsio" yarim himoyachisi Sergey Milinkovich-Savichni o'z safiga qo'shib olmoqchi. Italiyalik jurnalist Nikolo Skiraning xabariga ko'ra, mankunianliklar hozirdan serb futbolchisining transferi bo'yicha taklif tayyorlamoqda.

Manbaga ko'ra, "Manchester Yunayted" skautlari futbolchining "Milan"ga qarshi so'nggi o'yinini tomosha qilishgan. Futbolchining agenti "Chelsi"ning sobiq hujumchisi Matea Kejman ayni damda Italiyada, futbolchining transfer narxini muhokama qilmoqda. Transfer uchun boshqa davogarlar ham bor - "Yuventus" va "PSJ".

"Manchester Yunayted" Milinkovich-Savichni yarim himoyachi Pol Pogbaga o'rinbosar sifatida ko'rib chiqmoqda. Vaqtinchalik bosh murabbiy Ralf Rangnik yaqinda frantsiyalik futbolchi mavsum oxirida jamoani erkin agent sifatida tark etishini tasdiqladi.